काठमाडौं । आधुनिक युगमा मानिसहरु धेरै समय व्यस्त रहन नै रुचाउँछन् । जसको कारण सामान्य रुपमा पनि आफ्नो अनुहारको हेरचाहामा ध्यान पुर्याइ रहेका हुँदैनन । यस्तो अवस्थामा
अनुहार एवं छालाको चमक कसरी बढाउने ? दागधब्बा कसरी हटाउने ? चाहुरीपन कसरी कम गर्ने ? आफ्नो सौन्दर्यलाई कसरी कायम राख्ने ? भन्ने कुराको चिन्ता हुन्छ ।
बजारबाट महंगा कस्मेटिक्स प्रोडक्ट ल्याउछौँ प्रयोग गछौँ,अनि पार्लर धाउछौँ । यसरी केमिकलयुक्त प्रोडक्टको प्रयोगबाट हाम्रो अनुहारमा आएको समस्या समाधन हुनुको सट्टा उल्टै अर्को समस्या उत्पन्न हुन्छ ।
तर हाम्रो घरको भान्सामा भएका आने कुराको प्रयोग गरेर पनि आफ्नो अनुहारलाई मुलायम, चम्किलो र सफा बनाउन सक्छौँ धन्ने कुरा बिर्सन्छौँ ।
१. टमाटर
एन्टीअक्सिडेन्टले भरपुर हुने कारण टमाटरले ब्लिच क्रिमको जस्तै काम गर्न सक्छ । यसको पेस्ट बनाएर १५ मिनेटसम्म अनुहारमा लगाउनुहोस् । त्यसपछि मनतातो पानीले सफा गर्नुहोस् । दैनिक यस्तो गर्नाले तपाईंंको अनुहारबाट दागधब्बा गायब हुन्छ ।
२.दुध
दुध र बेसारलाई मिसाएर ५–१० मिनेटसम्मा अनुहारमा लगाउनुहोस् र फेरि पानीले यसलाई सफा गर्नुहोस् । यसले तपाईंलाई निख्रिएको र बेदाग छाला मिल्छ ।
३. गाँजर
गाँजरलाई सनाना टुक्रामा काटेर वा कोरेसोमा कोरेर पानीमा उमाल्नुहोस् । त्यसपछि यसलाई पिसेर अनुहारमा लगाउनुहोस् । १० मिनेट पछि पानीले यसलाई सफा गर्नुहोस् । दैनिक यसरी गाँजरको पेस्ट लगाउनाले अनुहारको चाँया, पोतो, डन्डीफोर, दागधब्बा जस्ता समस्याहरुबाट राहत पाउन सकिन्छ ।
४. सुन्तलाको बोक्रा
सुन्तलाको बोक्रालाई सुकाएर पिस्नुहोस् र फेरि यसमा ग्लिसरिन मिसाएर अनुहारमा मसाज गर्नुहोस् । अब यसलाई १० मिनेटको लागि यस्तै छोडिदिनुहोस् । केही दिन सम्म यस्तो गर्नाले छालाको रुखोपना टाढा हुन्छ र अनुहार मुलायम र चम्किलो हुन्छ ।
५. आलु
आँखाको डार्क सर्कल वा डण्डीफोरको दागबाट छुटकारा पाउनको लागि आलुको बोक्रालाई त्यस हिस्सामा लगाउनुहोस् । आलु एक किसिमको प्राकृतिक ब्लिच हो जसले छालाको समस्यालाई समाधान गर्नुको साथसाथै अनुहारमा चमक पनि ल्याँउछ ।
६. बेसन
बेसन, बेसार र दही मिसाएर गर्धन र शरीरमा मसाज गर्नुहोस् र फेरि यसलाई सुक्न दिनुहोस् । १४–२० मिनेटसम्म लगाएर त्यसपछि नुहाउनुहोस् । सातामा एक पटक यस्तो गर्नाले गर्धनको कालोपना हराउँछ ।
७. मह र कागती
एक चम्चा महमा कागतीको रस मिसाएर अनुहारमा मालिस गर्नुहोस् फेरि मनतातो पानीले सफा गर्नुहोस् । दैनिक यसो गर्नाले तपाईंको अनुहारको रुखोपना हट्छ र छाला मुलायम हुन्छ ।
८. दुध र गुलावजल
छालालाई स्वस्थ र चमकदार बनाउनको लागि कागतीको रसमा दुध र गुलाबजल मिसाएर दैनिक अनुहारमा लगाउनुहोस् ।
९. दही
दैनिक २ चम्चा दही, २ वटा अण्डा र एउटा कागतीको र ५ थोपा मह मिसाएर प्याक बनाउनुहोस् अब यसलाई कपालमा लगाएर १० मिनेटसम्म छोडिदिनुहोस् । फेरि स्याम्पुले कपाललाई धुनुहोस् । यसले कपाल झर्ने समस्या टाढा हुन्छ र कपाल सिल्की हुन्छ ।
१०. पाकेको मेवा
पाकेको मेवाको बोक्रा उतारेर त्यसको गुदि अनुहारमा लगाउनुहोस् । यसले छालामा निखार आउँछ ।
