विद्रोह नगर्ने स्वभाव रह्यो
नगर्दा पनि भगवानले सबै दिए
तर आज महसुस हुँदैछ
अभिनेत्री तथा एमाले नेतृ करिश्मा मानन्धरको यो फेसबुक पोस्ट यस्तो समयमा आएको छ जतिबेला उनकै दल एमालेभित्र चुनावको टिकट वितरणमा असन्तुष्टि सिर्जना भएका खबर आइरहेका छन् । समय र सन्दर्भका हिसाबले करिश्माको उक्त पोस्ट त्यसतर्फ लक्षित रहेको बुझ्न कठिन छैन ।
करिश्माको उक्त पोस्टमा अर्की अभिनेत्री सञ्चिता लुइँटेलको लभ रियाक्ट छ । अन्य प्रयोगकर्ताले कमेन्टमार्फत टिकट नपाएको गुनासोको सन्दर्भसँग करिश्माको स्टाटसलाई जोडेका छन् ।
करिश्माको तस्वीर छनोट पनि गज्जबको छ । हातमा वाइन ग्लास लिएको एक पुरानो खुलेको तस्वीरले सांकेतिक रुपमा उन्मुक्तताको सन्देश दिन्छ ।
करिश्माले आफू मतदाता रहेको ललितपुर क्षेत्र नम्बर ८१ का एमाले उम्मेदवार नवराज सिलवालको तस्वीर पनि पोस्ट गरेकी छन् । आशिका तामाङ नामक एक प्रयोगकर्ताले करिश्माको टाइमलाइनमा लेखेकी छन्, ‘स्वतन्त्रबाट उठ्नुप¥यो ।’
आफ्नै टाइमलाइनमा पोस्ट भएको स्वतन्त्रबाट उठ्नुप¥यो भन्ने स्टाटसलाई करिश्माले लाइक हानेकी छन् । सम्भवतः करिश्मालाई एमालेले समानुपातिकबाट उठाउने अपेक्षा गरिएको थियो ।
मनोनयन दर्ता गर्ने दिन बिहान सारीमा सजिएकी करिश्माको अर्को पोस्ट छ, ‘म जनताको मात्र मान्छे हुँ । म करिश्मा मानन्धर भनेर चिनारी दिने नेकपा एमालेलाई धन्यवाद, अब सुरुवात हो ।’
जे होस्, एमालेको टिकट वितरणमा करिश्माको असन्तुष्टि बुझ्न कठिन छैन