काठमाडौं । संस्कृति, पर्यटन तथा नागरिक उड्डयनमन्त्री प्रेमबहादुर आलेलाई कोरोना सङ्क्रमण पुष्टि भएको छ।आज बिहान गरिएको परीक्षणमा उनलाई कोरोना पोजेटिभ देखिएको उनको सचिवालयले जनाएको हो।
उनको स्वास्थ्य अवस्था सामान्य रहेको र होम आइसोलेशनमा बसेको प्रेस संयोजक विमल विष्टले जानकारी दिए ।आलेका स्वकीय सचिव हेमन्त रेग्मीलाई पनि कोरोना सङ्क्रमण भएको छ ।
मन्त्री आलेको सचिवालयले केही दिनयता मन्त्री तथा स्वकीय सचिवसँग सम्पर्कमा आएका सबै नागरिकलाई सतर्कता अपनाउन र कोरोना जाँच गर्न आग्रह गरेको छ।
